بتحبنى على طبيعتها وقلبى ذاب فى محبيتها
لو بس شوكه بتالمنى تشكها وقت ساعتها
حسيت ضلوعها وانا صغير
حنت تلبس وتغيير
اتشاقى قدمها واهزر
تضحك تقول متهزرشى
بينى وبينها كلام دافى
تحط راسهاعلى اكتافى
تضمن تحت لحافى
انام وهيا مبتنمشى
تناغينى دايما وتبشر
متحبنيش ابقى مكشر
انا بس اطلب واقشر
على الطلب متقصرشى
طول عمرى اعرف مقدارها
واجرى والعب فى مدارها
انا لسه نونو فى نظرها
مهما كبرت مابكبرشى
باحلم واكون بسمه فى ليلها
وكتاب مفيد من تعاليمها
واصون فى قلبى جمايلها
ابوس ايديها ولا اشبعشى
اشتاق لها وتقولى اجيلك فى الضلمه
اصبح قنديلك طول عمرى
ياضنايا ادعيلك
ملك متوج على عرشى .