بالأحضان .. بالأحضان .. بالأحضان ..
بالأحضان يا بلادنا يا حلوة بالأحضان
فى معادك يتلموا ولادك
يا بلادنا وتعود أعيادك
والغايب ما يطيقش بعادك
يرجع ياخدك بالأحضان
بالأحضان يا حبيبتى يا أمى
يا بلادى يا غنيوة ف دمى
على صدرك أرتاح من همى
وبأمرك أشعلها نيران ..
ياما لفيت سواح متغرب
و أنا دمى بحبك متشرب
أبعد عنك قلبى يقرّب
ويرفرف ع النيل عطشان ...
ياما شفتك ع البعد عظيمة
يا بلادى يا حرة يا كريمة
وزعيمك خلاكى زعيمة
فى طريق الخير والعمران ...
اتقوّيت ورفعت الراس
وبكيت فرحة وشوق وحماس
وبقيت ماشى فى وسط الناس
متباهى بوطنى فرحان
بالأحضان يا مصانع .. يا مزارع ...
بالأحضان ....
يا حصاد الثورة يا حلم وعلم ...
بالأحضان يا جناين .. يا مداين ..
بالأحضان ...
ياللى انت بترفع راية السلم ...
نور عينى وحبايبى
وعزاز اوى على قلبى
ياللى على الجرار وقصاد لهاليب الصلب
يا سواعد عربية
ونفوس حرة أبية
يحميكم وتدوم الهمة ويحيا الشعب !
و بالأحضان ! ..
يااااااااااااااااااااااااااااااااااارب
يارب العزه والقدره بناديك يارب
بصلاه العيد عيد الثوره بناجيك يارب
اللهم انصر بلدى وايدها
امين وسدد خطوتها وخد ايدها.......امين
يارب اجعلنا نحقق كل خيال..........امين
اجعل يومنا الواحد بكفاح اجيال......امين
فجر ينابيع الخير تحت اقدامنا......امين
والمستقبل خليه نور ادامنا ......امين
اللهم انظر لاعمالنا ........امين
وبارك فى جهادنا ونضالنا امين
واحفظ ريسنا وبطلنا يارب يارب يارب
بالاحضان بالاحضان يا بلدنا الحلوه بالاحضان
فى معادك يتلموا ولادك يا بلدنا وتعود اعيادك والغايب ميطيقش بعادك
يرجع ياخدك بالاحضان
الإثنين أبريل 18, 2016 4:48 am من طرف 
