مصطفى جاهين نجمه الشعر
عدد المساهمات : 313 تاريخ التسجيل : 02/11/2009 العمر : 36
| موضوع: تحويل مجرى النيل عام 1964بستان الاشتراكية: الخميس أبريل 21, 2011 6:04 pm | |
| افتح .. افتح .. افتح .. اقفل .. اقفل .. حوّل .. نقعد نرتاح ؟ .. لأ ح نكمل ده السد العالى شهِّل .. على راس بستان الإشتراكية واقفين بنهندس ع المية أمة أبطال ، عُلما وعمال ومعانا جمال : بنغنى غنوة فرايحية .. ننده كلنا ندهة فلاح لإخواته ساعة الرى حاكم أرضنا ملكنا كلنا م السد العالى وجاى ننده كلنا ندهة قوية : افتح .. افتح .. افتح افتح على حوض الورد ابو تمانين مليون شجراية الورد العربى ، ورد السهل ، و ورد الصحراية أهو كده وافتح صفحة ما تشبع فيها الدنيا قراية يافاتح فى الصخر ده للجيل ويا النيل مجراية
افتح افتح حول حول اقفل اقفل و اقفل ع الحيرة السيرة وهات شربات للكل واقفل عينك وافتحها تلاقى الشوك بقى فل وزهور ليمون صابحة فى يافا بتضحك وتطل تقول : افتح صندوق العيد و إدى الحلوة مراية
موال " ياحلم ياحلم يابو الليل يامتزوق ليلك سهرناه ونورناه بالمبدأ فيه ناس تقول فى الصباح : حلمنا والله خير وإحنا ، الصباح ييجى يلقى الحلم متحقق حوّل حوّل حوّل حوّل ياريس حوّل
حوّل وافرش منديلك الأخضر ع الرملة حوّلها جداول ومعامل وحياة كاملة حوّلنا وطولنا أملنا بإيدنا العاملة حوّل يامحوّل مجرى النيل حوّل على فوق للقمراية حوّل على فوق زى السد ما طالع على فوق الخير بيجيب الخير والفرحة دى كانت شوق الشعب العربى رمى قيوده وخرج م الطوق طالع ، طالع للقمة وبيزرع فيه الراية نادوا ورايا نادوا ورايا قولوا ورايا افتح .. افتح اقفل .. حول نقعد نرتاح ؟ لأ ح نكمل ! ح نكمل | |
|