عيد الثوره 1962يا أهلاً بالمعارك

با أهلاً بالمعارك
يا بخت مين يشارك
بنارها نستبارك
و نطلع منصورين
ملايين الشعب تدق الكعب
تقول : كلنا جاهزين !


خارج ساعة الصبحية
و الناس رايحين جايين
نظرتهم فكرتني
بأيام ستة و خمسين
راجع في المغربية
شفت عيون الثوار
نظرتهم فكرتني
بالضباط الأحرار
شفت اجتماع سياسي
كلماته نغم حماسي
و لا فيش على قده كراسي
من كتر ما فيه ملايين
ملايين الشعب تدق الكعب تقول
كلنا جاهزين كلنا جاهزين
يا اهلا بالمعارك

و ف لحظة نطل و يهدا الكل
و نسمع فرحانين
عبد الناصر حبيبنا
قايم بينا يخاطبنا
نجاوبه و يجاوبنا
قائد و مجندين
" قول ما بدالك
إحنا رجالك
و دراعك اليمين

عبد الناصر يقول :
" الله أكبر و يوم الأزهر في وجداني
يا شعب قمنا لقهر الصعب من تاني
وعود معنديش ، مفيش الا النضال عندي
و شقا و معارك مريرة كتير يا أخواني "
" أطلب تلاقي تلاتين مليون فدائي
في جميع الميادين "

عبد الناصر يقول :
" على كل باب في الميثاق مصباح يهدينا
يشوف جهادنا العظيم على فين مودينا
للافراح يا ناصر وللرفاهيه يا ناصر
للأفراح و الرفاهية ح نمد طريق ع النيل
إسمه في الأشتراكية التصنيع التقيل
بس نضاعف انتاجنا أضعاف أضعاف أضعاف
و ندبر مهما احتاجنا و نحارب الإسراف
و بقرش الإدخار نتحدى الإستعمار
و نقيم جدار جبار يحمي حياة العاملين
آدي نقطة بنقطة جميع الخطة
و بالله نستعين


خطتنا خلاص في إيدنا و خلاص متشمرين
و حزين ياللي تعاندنا بتعاند جبارين
جبل الجرانيت انشق انشال
و ف بحر النيل انزق أمال
ما في حاجة تقولنا لأ
إيش حال
يوم تحريرنا فلسطين

و التوبة التوبة التوبة نصبر على غدارين
وحياة الدم الغالي وحياة عرق الجبين

توبة ماعاد فيها مجاملة خلاص
و لا عاد م الثورة الشاملة مناص
يا إيدينا العاملة ازرعي اخلاص
واحصدي و الرب يعين

احصدي و إنقضي اكشفي و ارفضي
خاينين و إنتهازيين

ح نشق طريقنا بنور مبادئنا
و لنا النصر المبين

و يا أهلاً بالمعارك

يا بحر الثورة يا هادر خلي هديرك بنظام
من صوت المكن الداير عين العدو مش هتنام
و إنت يا شبابنا إتقدم جه دورك في التاريخ
بإيديك لازم تتقدم مصر في عهد الصواريخ
و شبابنا نهض يا حبايب قال : جه دوري مانيش هايب
يسلملي الشعر الشايب و الناس المخلصين

للمخلصين ألف سلام !
الإشتراكيين ألف سلام !
الحقيقيين ألف سلام !
لجمال و اخوانه ألف سلام !
يحيا لأوطانه بألف سلام !
و أنا و إنت و هو بخير و سلام !
و سلام مننا لمنى قلبنا !
للوحدة الكبرى
و نعيش و نضالنا يحققها لنا
و نقول .. كلنا جاهزين
و يا أهلاً بالمعارك !