ماذا قال جاهين عن الحب

أنا قلبى كوره ...والفراودة أكم
ياما اتنطح وانشاط ..وياما اتعكم
واقول له كله حينتهى فى الميعاد
يقول بساعتك؟ ولا بساعت الحكم؟
******

ليه ياحبيبتي ما بينا دايماً سفر
ده البعد ذنب كبير لا يغتفر
ليه يا حبيبتي ما بينا ديماً بحور
أعدي بحر.... آلاقي غيره اتحفر

*******


سمعت نقطه ميه جــوه المحيط
بتقول لنقطه ماتنزليش فى الغويط
أخاف عليكى م الغرق ..... قلت انا
ده اللى يخاف م الوعد يبقى عبيط

*******

أوصيك يا إبنى بالقمر والزهور
أوصيك بليل القاهره المسحور
وإن جيت فى باللك ... إشترى عقد فل
لأى سمرا ... وقبرى إوعك تزور

*******

يـا مشرط ألجـــراح أمـــانه علـــيك
وانت ف حشـايا تبص من حواليك
فيه نقطه سوده فى قلبى بدأت تبان
شيلها كمان ... والفضل يرجع ليك



عـاد الربيع كـأنه طعم الحـب
والحب نار جوه العروق بتصب
اتمـتع ازاى بيه وانا مـ ت ـق ـط ع
من كتر خوفى لا فى الخطيئه يطب

*******

أنا اللي بالأمر المحال اغتوى..
شفت القمر نطيت لفوق بالهوا..
طلته ما طلتوش إيه انا يهمني....
وليه ...ما دام بالنشوة قلبي ارتوى.

*******

كروان جريح مضروب شعاع م القمر
سقط من السموات فؤاده أنكسر
جريت عليه قطه عشان تبلعه
أتاريه خيال شعراء ومالهوش أثر

*******

كل اللى فى الخماره صـابهم جنـون
صـبحوا الرجال يتبـادلو كاس المنـون
وبـدم ونبيـت انكتب ع الجـدار
(يا ميت ندامه ع اللى قلبـه حنون)

******

soo nice i like :D

دا انا الى بجيب اجوان هههههههه

بجد بجد رائعه