أفضل 10 أعضاء في هذا المنتدى | |
تسجيل صفحاتك المفضلة في مواقع خارجية | |
| | في عيوني , وش يساوي غيرك إنت ؟ | |
| | كاتب الموضوع | رسالة |
---|
maryam نجمه الشعر
عدد المساهمات : 850 تاريخ التسجيل : 12/10/2010 الموقع : https://elsharkawy.hooxs.com
| موضوع: في عيوني , وش يساوي غيرك إنت ؟ الإثنين ديسمبر 20, 2010 8:39 am | |
| في عيوني , وش يساوي غيرك إنت ؟ ودّي آخر شي أشوفك . . و ( أنعمي ) !
أدري إن ضاقت عليك الدنيا خنت وآنا . . . . أخون الدنيا لك يا آدمي !
جيت عندي وبْـ حمى قلبي إستعنت ليه تطعني .؟؟ . . . . و فيني تحتمي !
حِسْ مَرَّه وحدَه في جَرحِي لاهنت إرمِي طَلقَه . . وحِسْ بـ اللي ينرمي
كيف ترميني وعلى [ قلبي ] زبنت " البلا " . . لا صار ضدّي محزمي
كنت قاسي وللأسف مايوم " لنت " أنتمي لك . . وإنت لي ما تنتمي !
كنت لي قبري وأنا فيك إندفنت جيت لك كلّي ورجع لي معظمي
كنت لك واحد وكل الناس إنت كنت صوتي كنت شوفي ونْسمي
أذكر إنيّ كنت بين إيدك وصنت وإذكر إنّك في جروحي " حاتمي " !
أدري إنّك في غيابي . . . ما حزنت و رغم هذا . . . تدري إنّك ملهمي
كيف أضمن لك شعوري وماضمنت من كثر { دقِّك } - تفكّكْه لْـ حمي
لك عقل يوزن [ بلد ] بس ما وزنت الأمور . . . . , إللي تفوّر لي دمي !
في زوايا البيت وفي شعري سكنت وفي حضن " أفكاري " دايم ترتمي
آهِ مِنْ قِيدِكْ . . . . وماهو قِيد كنت آهِ مِنّك , كِيدِكْ ( أَدْمَى مِعْصَمي ) !
ما يحس القلب في جرحك وهو كله جراح !
في وسط قلبي سفينه وفي سما حُبك سدَم ، تتهي بحرك وتجري عكس شهوتها . . الرياح !
كن هذا الصبح بـ العتمه بليّاك ، إنردَم . . __________ يا صباح الخير من غيرك بلا ( خير ) الصباح !
أثر ثلج فراقنا يلسَع وشوقك ، ما خِدَم ، توّي أفهم : شنهو تعني [ لسعة الثلج ] . . لـ ( فلاح ) !
لا تحارب . . ما أبيك تعض إبهامك [ نِدَم ] ، جيت لك : قصدي إنتـ فاهم ، شوووف . . ما أحمل سلاح !
الزعل : غلطة حبايب قلب من قلب إنصِدَم . . __________ والرضى ساكت ، وعزة نفس تتثاقل سماح !
ياحبيب الجرح . . شوف إحساس محبوبك ( عَدَم ) : __________ ما يحس القلب في جرحك وهو كله جراح !
كان في وجهك بقى لك دمعتين ، وفيه دَم ؟ __________ هذي [ هُدنه ] نتّفق بـ شروط وننساه اللي راح . .
يا أجي أرضك . . وأترك فيها لي بصمة قدَم ، __________ أو أصد وأكتب عليها : ( أرض مافيها صلاح ) !
يا أعيش بـ وسط قلبك ونبني كل شي إنهِدَم . . __________ وإلا قدامك أموت وأوقف بـ وجه [ الرماح ] !
إعتبر نفسك معزّب . . و المشاعر لك : خَدَم ، __________ وإنت كيفك دام قلبي ( أرض منزوعة سلاح ) !
وإنت كيفك دام قلبي ( أرض منزوعة سلاح ) !
شي يخصك باقي عندي " قلب " من غيرك وحيد ! ما يبي يبقى معاي .........! يا أجيلك / أو يجيلك !
يسألوني الناس عنِّك ! وليه ما أكتب [ قصيد ] ؟! قول .. لا تسكت .. تكلَّم .. وش أجاوبهم دخيلك ؟!
إختلفنا . . . . . وماعرفنا شنهو الراي السديد .. يا تضحِّي في عنادك ..! أو أضحِّي في سبيلك !
ليه كل عيد إنتْـفارق ؟! صرت أكرَه كل عيد ! وإنتْـ فارق في [ غلاتك ] .. وقلبي ما عنده مثيلك !
المشاعر من غيابك يا دفا إحساسي , جليد ! طحت من عيني لـ قلبي وما قدرت إنِّي أشيلك !
يشهد الله .. من رحلت وفي حياتي ، لا جديد .. وكل ما ألمَح سرابك .. أرتِبِك ، الله وكيلك !
حالتي صعبه / بدونك .. وكيف حالك يا بعيد ؟ أشتكي منِّك إليك .. ومن جروحي , أشتكيلك !
والله ما قصرَّت فيني بس .. ودِّي لو تزيد ! يعني " إذبحني " وكمِّل يا بعد قلبي / جميلك !
أدري غلطاتي كثيره .. وفوق كل هذا عنيد وش تسوِّي هذا حظِّك رغم زلاتي [ خليلك ] ..!
أقتلك .. لا من خطيت ويا عسى عمرك مديد ! و أعذرك .. لو كنت قاتل لأنه يستاهل قتيلك .!
ويلي منِّك لو نسيتك . . . والزعل طبعاً " شديد " .. ولو أحس لحظه بـ أنِّك منشغل عنِّي ؟! يا ويلك ..!
كل عاذل جاك بَعْدِي .. وقالـ لك إنِّي : سعيد - ما صِدَق ! وين السعاده ! والحزن شيَّد رحيلك !
وكل عاذل قال عنِّي شي .. - إحساسه بليد ! ما قدر ياخذ كثيرك .. صار يطمح , في قليلك !
وكل عاذل إن عطيته وجه .. - ورَّااااك المزيد ! لو يقول إنَّه : يبيلك خير !! والله ما يبيلك !
جيتهم طيِّب ....... . وأدري في زماني ما يفيد !! وش حصيل الطيب فيهم ؟ ومن فراقي , وش حصيلك !
بترك الدنيا عشانك ! دام هذا ما تريد .. ويا عسى كلمة " عشانك " تشفي يا روحي غليلك !!
الدليل إنِّي أحبك : صرت أحسِّك بـ [ الوريد ] ! وأدري في قلبك يحبني دون ما أسمع دليلك !
في عيونك صرت ( شاعر ) واصل القمَّه / فريد !! وصرت تسوى في عيوني كل بَني جنسك , وجيلك ..
مثل قلبك ما ألاقي ..! ومثلي ما تلقى أكيد ! يعني ما عندك بديل ومستحيل ألقى بديلك ..!
يا غزالٍ . . . . . شُوف قلبي ما يبي غيرك يصيد ولا بغيتك ..أدري وينك أسمعك , وأتبَع [ سليلك ] ..!
إجلس بـ عرش الفؤاد ولك أحاسيسي عبيد وإعتبر حُبي نهارك , وقمرةٍ .. تضوي في ليلك !
ياللِّي شيَّعت المفارَق ....., إشرَب وصالي و أزيد .. خذ دفا إحساااسي و " إدفا " كان بردك هد حيلك ..!
يا أجيلك أو تجيني ! هذا هو الحل الوحيد .. وإنتَ قرِّر يا حبيبي .. يا تجيني يا أجيلك !
لأنّك ... : لص . سرقت القلب من ( داخل ) ضلوعي , دون ما أدري ! و تزعل لو أقول إنّك – حرامي ؟!
ولا تزعل حقيقة إنّك " حرامي و " نص "
أبي لي قلب من عندك . . . عديم إحساس و أبيك . . . الناس . أبي لا نمت في محجر [ عيونك ] تنكتِم أنفـاااااااااس وأبي لا قلت لي : شلونك ؟ : و أنا أشوفك , أقولك .. / أصصصـ .. ..
حبيب الروح تعال و – روح لكن ! لا تخليني في " هذي " الأرض , ألملم قلب من شافك ؟ يقول إنّك { هدية حظ } .!
أنا ما أبيك في قلبي | معاهم | بغيت ~ الكـــل من حولك . . . في قلبي وحضرتك بـ :: النص .!
كنت أظن الحظ جابك و | إبتسَم أثر أنا و ( الحظ ) . . . مانواطن بعض !!
الأمل في دنيتي .. يامـا .. إنهدَم . و " الفَرَح " ما يوم في عمري – ومَض
جرح ( غيري ) بـ إختياره : إلتئَم !! و آنا جرحي ؟ ليه عـ القلب / إنفرَض ؟!
ليت قلبي من جروحه , إفتهَم , غيري عـاش الجرح .. مرّه .. و إتّعَض
مايحس [ القلب ] من كثر | الألَم راحت الراحه . . . وعلى اللـه العَوَض .
جيت من أقصاي وماكان العشَم تصدِم إللي صوبك إحساسه - رِكَض ،
من يعلّم { طيبتي } :: درب الندَم :: دام صارت " نيتي البيضه " ~ مرَض !
ما ألوم القلب عايش في وهَم يكفي .. يثبت لي [ حياتي ] لا نُبَض
قلبي من دنياي " عمره " ما : سلَم .. كل ما زانت .. لي الحظ - إعتَرَض !
كنت أظن الحظ جابك و | إبتسَم قبل مايقفي بك و ( نخسِر ) . . . بعض !!
ما على " قلب " الرسول إلا / البلاغ و إنت لك عندي ( رساله ) و كلمتين
قلبي المرسل ؟ .. محاك من الدماغ طحت من عيني ! و طاحت دمعتين .
ما أطوّلها عليك , بْلا صياغ - هي قصيره بس ! تجرح حبتين
: يوم قلبي ذاب في حبك , و زاغ .. ليه قطَّعته بـ [ إيدك ] قطعتين ؟! :
ما مسح لي دمعتي غير .. الشماغ ! . غلطتي ؟ / طيبي , و غدرك / غلطتين
بيت صغته . . . وبيت " لا يمكن " يصاغ شي كتبته , وشي مكانه نقطتين (..)
قلبك أستخسر عليه اليوم ساغ .... . وعندي كلك ما تساوي – بيزتين
آخر حروفي الصدر فيها بـ " آغ " و إنتهى عجز الصدر فيها بـ ( تين )
إللي فيني الحين ؟ ما جا من فراغ صدمه .. وحده .. تكفي / ما أبي صدمتين /
ما عليك من الرسول , إلا البلاغ , [ صعب تلدغني بجحرك : مرتين ]
المشكله ما هي مسافه أو سفر المشكله بعد القلوب عن القلوب ما مل منهو ينتظر طول السهر بس البلا من ينتظر رجعت كذوب شاف الفلا واستقبله قلب خضر عقبه ونا في ساقه اركض ولوب الغيمه أللي شحت دقاق المطر متعلق فيها وهي صحوة هروب ما يكفي أني شايل جرحك دهر لا ما كفاك الحقتني كثر الهموم طا وعتني والا بدينك أنتحر صحيح قلبي ما لك لغيري ذنوب
أنا احبــــــــــك يا عمري الدنيا ما تسوى تنام وخاطرك زعلان ولابه شي يستاهل يخلي قلبك يعاني طلبتك كان لي خاطر تبعد عنك ألأحزان فديت أعيونك الحلوه تبسم لو على شاني حبيبي صار لي مدة أشوفك تايه وحيران وانا والله لا شفتك حزين تزود أحزاني أنا احبك ولا ودي تعيش بدنيتك ندمان ترى ألأيام محسوبة وتالي ها لعمر فاني تصدق بسمتك والله تفرح خاطري الولهان يطير من الفرح قلبي واصير بعالم ثاني والى من شفتك بضيقة أحس اني انا الغلطان أعاتب نفسي بنفسي ولو ما كنت أنا الجاني غلاك بداخل أعروقي ولا يوصل غلاك انسان يمر الوقت ويثبت لك غلاك ان الله أحياني أضحي بعمري لعيونك تنام انته وانا سهران ونادي جروحك لقلبي تجي واحد ورى الثاني
مـو حرام..أني أشوفك في عيوني تذبلين.. وانتي ورده... وكل ها الناس طين.. لو للحظه..أسمعيني وقومي يا الله سا عديني واتركيني أنتشلها... واو عدك ما تندمين يا اللي ما جابت سنينك ألا أنتي تشبهين.. كفي..حطيها فدينك وللسحايب توصلين.. هـــــــــــــــم.. يشوفونك مجرد.. واحده للعالم..تغرد وتمضــــــي.. با الوقت السفينه وما دروا عنك..ضحكتي ولا بتموتي حزينه.. أسالك با الله..يا نتي لي متى وانا اشوفك وسط نظرتهم ..سجينه للا تروحي ولا تجين وفيــني لا تستعجلين ولا تشكي بي وتخافي.. ما طلبتك تعشقين..خافقي وتروي جفافي... لو اقول ..أتصدقين عندي..والله كافي أني أشوفك تشرقين وتحتك الكون ..طافي يا الله لاتتجاهلين ومني لا تتعجبين أنتي ورده.. وكل ها الناس طيــــــــــــــن.....
| |
| | | MR نجمه الشعر
عدد المساهمات : 2251 تاريخ التسجيل : 08/11/2009 العمر : 39 الموقع : https://elsharkawy.hooxs.com
| موضوع: رد: في عيوني , وش يساوي غيرك إنت ؟ الجمعة ديسمبر 31, 2010 6:26 pm | |
| | |
| | | رومانسية بعطور فرنسية متميزون
عدد المساهمات : 424 تاريخ التسجيل : 19/05/2010 العمر : 31 الموقع : عالم الاحزان
| موضوع: رد: في عيوني , وش يساوي غيرك إنت ؟ الثلاثاء يناير 04, 2011 6:38 am | |
| •سلمت يمنآكـ على مآحملتهـ لنآ
موضوع عآلي بذوقهـ ,, رفيع بشآنهـ
كلمآتـ كآنت ,, وسوف تزآل بآلقلبـ ,,
يــ ع ـطيكـ الــ ع ـآآفيهـ على مآطرحتي لنآآ يـآآلــ غ ـلآآآ ,, | |
| | | عاشق المسرح نجمه الشعر
عدد المساهمات : 615 تاريخ التسجيل : 18/04/2010 العمر : 36
| موضوع: رد: في عيوني , وش يساوي غيرك إنت ؟ الأحد يناير 09, 2011 10:08 am | |
| انتى عملتيها ازاى انتى فظيعه | |
| | | MR نجمه الشعر
عدد المساهمات : 2251 تاريخ التسجيل : 08/11/2009 العمر : 39 الموقع : https://elsharkawy.hooxs.com
| موضوع: رد: في عيوني , وش يساوي غيرك إنت ؟ الإثنين يناير 10, 2011 6:38 am | |
| | |
| | | | في عيوني , وش يساوي غيرك إنت ؟ | |
|
مواضيع مماثلة | |
|
| صلاحيات هذا المنتدى: | لاتستطيع الرد على المواضيع في هذا المنتدى
| |
| |
| |