يقول وش زودي علي الناس عندك ........ وأقول كلك ياهوى خاطري زود
يقول وش بي للمحبه يشدك ......... وأقول مدري أنشد عيونك السود
كل الحلا بالناس ماهوب قدك ......... ياللي مع اخلاقك بك الحسن موجود
كل الزهر ماشاقني مثل خدك ......... ماشاقني بغصونها نامي العود
نفسي مشت بركابها لين حدك ......... ماعاقها زينٍ مع الناس موجود
أغليك يالغالي ورجواي ودك ........... لاتجرح اللي لك من القلب مشدود
لاتقطع اسباب الرجا فيك مرة .......... خل الرجا لو ماصدق فيك يبقى
ترى السراب اللي خداع ومغره .......... ينعش رجا الضامي وهو ويش يلقى
حبك عسى ربي يكافيني شره ............ عجزت عنه بكل شئ اتوقى
أجي لدربك كل يومِ وأمره .......... مشتاق أدور شوفتك واتهقى
ضامي حنان وشوفتك لي مبره .......... ومن الجروح القلب ياما تلقى
ماأحدِ حداني للشقى والمضرة .......... إلا أنت ياللي وجنتي منك زرقا
الإثنين أبريل 18, 2016 4:48 am من طرف 
