راح الحبيب

راح الحبيب
ـــــــــــــــــــ

راح الحبيب فى طريق مالهوش رجوع
وقلبى بات من الالم حزين مكسور
وآتارى الحزن مش بيفيد والالم ده قدر ونصيب
ودموعى ماليه عيونى من فراق اعز حبيب
كل ما الاقى الفرح فى ثانيه
بالاقى ليه الجرح ساعات
مش عارف انا ليه فى الدنيا
عايش ده انا جوايا جراح
حبيبى كان قصاد عينى ومش بايديا اروح اليه
الفراق بقى بينه وبينى وكان منايا اكون حواليه
كنت اتمنى تفضل جانبى انا دلوقتى عايش وحيد
الجرح ساكن جوه فـ قلبى وفراقك ما اقدرش عليه
طال يا حبيبى غيابك عنى وسيبت قلبى فـ نار وعذاب
لا البسمه عرفتها شفايفى واتملا قلبى جراح واحزان
يا حبيبى مهما يكون الفراق قدر مكتوب
وانا اقدرى دموع قلبى اللى بفراقك مجروح
وعيونى مليانه دموع وقلبى مجروح على طول
وبيزيد جواه الشوق بس رضيت انا بالمقسوم